Bima mpya ya Afya kuwasaidia wenye kipato cha chini

Dar es Salaam. Bima Mpya ya afya iliyozinduliwa leo jijini hapa imejipanga kuwapa huduma bora na yenye gharama nafuu watu wenye kipato cha chini.

Akizungumzia  wakazi wa uzinduzi wa bima hiyo leo Alhamisi, Ofisa Mtendaji wa Wakala la Bima Zurich Simba alisema huduma hiyo itatolewa  kwa kushirikiana na kampuni ya Bima ya Jubilee. 

"Bima hii  mpya inaitwa Afya Wote inachangiwa shilingi 174,000 kwa mwaka inahusu familia ya watu wanne yaani baba, mama na watoto wawili,  inakuwa na thamani ya Sh2,500,000 kwa mwaka, tayari imetambuliwa na Serikali na inatumika kwenye hospitali kubwa ikiwamo ya Taifa ya Muhimbili,"alisema

Akizungumza  katika uzinduzi huo uliofanyika viwanja vya Mwembe Yanga Temekem  Kaimu Mkurugenzi wa Sera na Mipango kutoka Wizara ya Afya Edward Mbaga alisema Serikali inafurahi kuona huduma ya Bima ya Afya inazidi kustawi na hivyo kuwanufaisha wananchi wa vipato vya viwango tofauti.