Raia wa Kenya walioko Tanzania wapiga kura

Dar es Salaam.Raia wa Kenya walioko Tanzania wamekuwa wakijitokeza kwa mafungu katika ofisi za ubalozi wao kwa ajili ya kupiga kura huku baadhi wakisifu mpangilio mzuri uliowekwa.

Ingawa kituo cha upigaji kura kilifunguliwa tangu saa moja asubuhi, lakini wengi wao walianza kumiminika kuanzia saa mbili asubuhi. Hii ni mara ya pili kwa raia wa Kenya walioko nje ya nchi kupiga kura.

Kabla ya kuingia kwenye eneo la upigaji kura,raia hao hukagua majina yao na kisha kuelekea kwenye mstari.

Kumekuwa na hali ya utulivu huku askari polisi wakipita huku na kule kuimarisha ulinzi.